Գրականությունը լայն հնարավորություն է տալիս սովորողին ինքնակրթության հարցում։ Արդեն ավանդույթ է դարձել ամեն ամիս 11-րդ դասարանում ամփոփել տվյալ ամսվա կարդացած գրքերը, կիսվել տեղեկատվությամբ, տպավորություններով և ձեռքբերումներով։
Նախագծի գաղափարն առաջացավ մայիսին, երբ մայիսյան հավաքի շրջանակում ամփոփեցինք սովորողների՝ ուսումնական տարվա ընթացքում կարդացած գրքերը։ Դասի նախագիծը և լուսաբանումը՝ այստեղ։
Սեպտեմբերից մշակեցինք ժամակացույց և բովանդակային ներկայացման ձև, որը սովորողներին օգնեց ավելի համակարգված վերլուծություններ կատարել։ Զուգահեռաբար ուսումնասիրում ենք գրական սիմվոլների բառարան։
Ժամկետներ՝ շուրջտարյա
Մասնակիցներ՝ 11-րդ դասարանի սովորողներ
Նպատակը՝
- վերլուծական կարողությունների զարգացում
- գրական ճաշակի ձևավորում
- գրականության նկատմամբ բերաբերմունքի ձևավորում
Տևողությունը՝ 45 րոպե
Ընթացքը՝
Սովորողները ամեն ամիս ընտրում են այն գիրքը, որը ներկայացնելու են մյուս ամսվա սկզբին, կարդում, վերլուծում:
Հեղինակայինը նախագծում՝
- Պարապմունքի կազմակերպիչը սովորողն է
- Առանցքում սովորողի ինքնակրթությունն է
- Ինքնուրույն հետազոտական կարողությունների զարգացում
Նախագիծը շարունակական է և այն համարում եմ հեղինակային մանկավարժության իմ ձեռքբերումներից։
Ստերև սովորողների ներկայացրած գրքերը և սահիկաշարերը՝ ըստ ամիսների
Անուշ Ներսիսյան 